Kuvendi i Shqipërisë ka votuar me votat e mazhorancës ligjin e vetting-ut për përzgjedhjen e prokurorëve dhe gjyqtarëve, konkretisht me 88 vota pro dhe 1 abstenim.
Deputetët e pranishëm në seancë në momentin e votimit kanë qenë 89, të cilët kanë votuar në mënyrë elektronike fillimisht në parim e më pas nen për nen, deri në votimin në tërësi.
Opozita, sikurse kishte paralajmëruar, ka braktisur sallën pak momente para votimit me argumentin se, “nuk do të bëhej pjesë e një farse që synon kapjen politike të sistemit të drejtësisë”.
Politikë | Shtypi